Project Description

Gëzoje për festa, Dhuro edhe ti!

Meridian Express në bashkëpunim me vullnetarët . “Volunteers #COVID-19 “nga Organizata Let’s do it Kosovo, kanë organizuar Kampanjën “Gëzoje për Festa, Dhuro edhe ti”. Qëllimi i kampanjës është që ti ndihmojë familjet në nevojë që festën e vitit të ri ta presin me tryezën e mbushur plotë.
Përzgjedhja e familjeve në nevojë dhe shpërndarja e produkteve, bëhet nga grupi i vullnetarëve #Covid19 – Let’s Do it Kosova!
Në 40 marketet Meridian Express, të cilat janë prezente në tetë qytetet kryesore në Kosovë, do të jetë nga një shportë e zbrazët, ku ju mund të kontriboni duke blerë produkte esenciale dhe të mbushni shportat të cilat do të ju dhurohen për familjet në nevojë.
Grupi i Vullnetarëve #COVID19 është krijuar me iniciativën e organizatës “Ta Pastrojmë Kosovën / Let’s Do It Kosova” me qëllim të bashkimit të të gjithë atyre qytetarëve, pa asnjë dallim, që duan të kontribuojnë vullnetarisht për të menaxhuar sa më lehtë, sigurtë dhe suksesshëm situatën e shkaktuar nga pandemia COVID-19. Më saktësisht organizata “Vullnetarët #COVID19” është duke vepruar për të vetëdijësuar qytetarët e Kosovës për masat parandaluese dhe mbrojtëse ndaj COVID-19 – përmes shpërndarjes së vazhdueshme të informacioneve të sakta, për të krijuar databazën e vullnetarëve të cilët janë të gatshëm të kontribuojnë në luftën kundër COVID-19, si dhe për të evidentuar dhe ndihmuar familjet gjithandej vendit që kanë mungesë të gjërave elementare për jetesë në këto kohë krize.
“Njëherit ne bëjmë thirrje që të vazhdojmë me respektimin e masave anticovid, pasiqë gjendja vazhdon të jetë emergjente dhe sjelljet tona të pamatura mund ta bëjnë gjendjen edhe më të rënduar. T’i kalojmë këto ditë në harmoni dhe duke treguar edukatë të lartë në respektimin e masave mbrojtëse kundër virusit. Ditët e mira që po i presim të gjithë doemos do të vijnë së shpejti, deri atëherë gjithçka varet nga ne, nga sjelljet tona, nga kujdesi që do të tregojmë.
Le ta bëjmë këtë për veten, për njëri-tjetrin, për më të dashurit tanë.” thekson Besnik Shabiu nga grupi i Vullnetarëve të #COVID19.
Kurse Yllka Mustafa – Menaxhere e Marketingut në Meridian Express u bën thirrje gjithë konsumatorëve që edhe këtë herë të kontriubojnë me aq sa kanë mundësi përmes blerjeve të produkteve esenciale në gjitha marketet e Meridian Express, në mënyrë që edhe familjet në nevojë të shoqërojnë festat me fytyra të buzëqeshura e tavolina të mbushura.
Le të ndajmë me të tjerët gëzimin e Vitit të Ri!